पुणे : कामगार बंधू यांच्या पदमजी कामगार सोशल फाउंडेशनच्या माध्यमातून कडधे
माही फाउंडेशन, या ठिकाणी दिनांक ११/०२/२०२४, रविवार रोजी अनाथ तसेच, ऊसतोड कामगारांची मुले व मुली तसेच कोरोनामध्ये निधन झालेल्या व्यक्तींची मुले मुली , कोरोना मुळे एकच पालकत्व असणारे मुले मुली,त्याचप्रमाणे मोलमजुरी करणाऱ्यांची मुले मुली,अशा गरजू मुला मुलींना किराण्याच्या व जीवनावश्यक वस्तू तसेच प्रथमोपचार पेटी या स्वरूपात मदत करून त्यांच्याशी संवाद साधला . आणि त्यांचे मनोगत ऐकून घेतले. या कार्यक्रमाच्या निमित्ताने त्यांनी आपल्या पदमजी कामगार सोशल फाउंडेशनच्या मार्फत केलेल्या मदतीबद्दल समाधान व्यक्त केले.
आणि मनभरून कौतुक केले. माही फाउंडेशन संस्थापक व अध्यक्ष सौ. विद्या सुनिल बेनगुडे
यांनी व तेथील सर्व संचालक मंडळांनी उपस्थित पदमजी कामगार सोशल फाउंडेशनच्या सदस्यांचे आणि सहकार्य केलेल्या सर्व कामगार बंधूंचे मनापासून आभार मानले. आपली मदत योग्य ठिकाणी पोहोचली असून सर्वांना मनःपूर्वक धन्यवाद दिले..